Զինված ուժերում բարեփոխումները սկսված են: ԱԺ պաշտպանության և անվտանգության հարցերի մշտական ժողովում նման հայտարարությամբ է հանդես եկել պաշտպանության փոխնախարար Արման Սարգսյանը՝ արձագանքելով «Հայաստան» խմբակցության պատգամավոր Գեղամ Մանուկյանի հարցին՝ ե՞րբ է ՊՆ-ն պատրաստվում առարկայական ներկայացնել բարեփոխումների փաթեթը
«Հանձնաժողովում պարբերաբար եղել է խոստում՝ ներկայացնելու ԶՈՒ բարեփոխումների հայեցակարգ, սակայն մինչև հիմա Պաշտպանության հանձնաժողովի նիստերի ընթացքում չի ներկայացվել որևէ օրենսդրական փաթեթ, որը կլրացներ այդ բարեփոխումների հայեցակարգը»,-ասաց Գեղամ Մանուկյանը:
Փոխնախարարն էլ հիշեցրեց, որ ԱԺ-ում օրենքներում կատարվելիք փոփոխությունների վերաբերյալ բազմիցս քննարկումներ են եղել.
«Բարեփոխումները սկսված են, եթե որոշ քաղաքական ուժերի համար դրանք տեսանելի չեն, դա արդեն քաղաքական գնահատականի հարց է, բայց բարեփոխումները մեկնարկել են, գտնվում են ընթացքի մեջ», — հայտարարեց պաշտպանության փոխնախարարը։
