ՀՀ կառավարությունը դեկտեմբերի 7-ի նիստին հավանություն է տվել 2011-2016թթ. սերմերի եւ 2015-2016թթ. պարարտանյութերի համար գյուղացիների պարտքերը ներելու որոշմանը։ Աշնանացան ցորենի և գարու սերմի պարտքը կազմել է 591.1 մլն դրամ, իսկ պարարտանյութի պարտքը՝ 165.2 մլն դրամ. «Ֆիքսում ենք, որ այսօրվանից մաքուր էջից ենք աշխատում իրենց հետ, բայց հետագայում էլի կուտակում չենք անելու, բացառվում է, որ գանք էլի իրավիճակի, երբ կուտակում լինի, էլ կուտակում չի լինելու, ներում չի լինելու», -ընդգծել է ՀՀ վարչապետը։
