BBC-Ի տեղեկացմամբ՝ Հաագայի ռազմական հանցագործությունները հետաքննող դատարանը ցմահ ազատազրկման է դատապարտել Բոսնիայի սերբերի բանակի նախկին գեներալ Ռատկո Մլադիչին: Նա մեղադրվեց ցեղասպանություն և մարդկության դեմ գործած այլ հանցագործություններ կատարելու համար:
Մասնավորապես, նա՝ 1990-ականների առաջին կեսերին ղեկավարելով նախկին Հարավսլավիայում բոսնիացի սերբերին, եղել է Բոսնիայի և Հերցեգովինայի հազարավոր խաղաղ բնակիչների սպանության կազմակերպիչը: Ռատկո Մլադիչի հրամանով է 1995 թվականին իրականացվել նաև Սրեբրենիցեի կոտորածը, որտեղ ավելի քան 7 հազար մահմեդական տղամարդիկ և պատանիներ սպանվեցին:
Մինչդեռ, Ռատկո Մլադիչի փաստաբանի կարծիքով՝ դատարանը անարդար որոշում է ընդունել.«Մենք կպայքարենք և կբողոքարկենք՝ ապացուցելու, որ դատավճիռը սխալ է»,- նշել է փաստաբանը:
Մլադիչին մեղադրում են նաև՝ սերբերի ռազմական խմբավորումների օգնությամբ, Սարաևո քաղաքը 3.5 տարի շրջափակման մեջ պահելու համար, որի ընթացքում զոհվեց ավելի քան 10 հազար մարդ:
Դատարանի կողմից նա մեդարվել է 11 դրվագով, այդ թվցում՝ երկու անգամ ցեղասպանություն գործելու, հինգ անգամ մարդկության դեմ կատարած հանցագործությունների համար:
Մեղադրող կողմն ապացուցված է համարել, որ նրա հրամանատարությամբ տեղի ունեցած բոլոր հանացագործությունները կատարվել են 1992 թվականի մայիսից մինչև 1995. թվականի նոյեմբեր ընկած ժամանակահատվածում:
ArmLife.am
[smartslider3 slider=215]