Կորոնավիրուսի համաճարակի ամենից տարածված ախտանշաններից մեկը հոտառության զգացողության կորուստն է: Այս մասին հայտնել է վիրաբույժ Ահմադ Սեդաղհաթը, փոխանցում է EurekAlert կայքը։
Ինչպես փոխանցում է РИА Новости-ն, հոտերը զգալու անկարողությունն ի հայտ է գալիս հիվանդանալու երրորդ օրը: Այդ են ցույց տվել վիրաբույժի կատարած հարցումների արդյունքները, որ նա անցկացրել է կորոնավիրուսով վարակվածների շրջանում: Այս ախտանշանն ի հայտ է եկել հարցվածների 61 տոկոսի մոտ:
«Այս հետազոտության մեջ մենք նաև պարզել ենք, որ հոտ չզգալու աստիճանը կապված է հիվանդության այլ ախտանշանների ծանրության հետ: Եթե այն ուժեղ էր, ապա այլ ախտանշանները՝ շնչարգելությունը, տենդը և հազն ավելի ցայտուն էին արտահայտվում»,- ասել է նա:
Պրոֆեսորը նաև պարզել է, որ պացիենտների կեսը քթի փակվածություն է ունեցել, իսկ 35 տոկոսը՝ հարբուխ: Այդ ախտանշանները տարածված են եղել հարցմանը մասնակցած երիտասարդների շրջանում:
