Լրագրող, վերլուծաբան Դավիթ Ջալալյանն իր ֆեյսբուքյան էջում գրել է.
Սերժ Սարգսյանի փեսա Միքայել Մինասյանի ֆիգուրի շուրջ տարիների ընթացքում ձևավորված խորհրդավորությունը փոշիացավ ընդամենը մի քանի օրվա ընթացքում:
Փոշիացավ այն պահից, երբ Մինասյանը սկսեց խոսել, քաղաքական գնահատականներ հնչեցնել: Պետք է խոստովանեմ, տևական ժամանակ Մինասյանի մասին շատ ավելի բարձր կարծիքի էի: Բարձր ասելով նկատի ունեմ քաղաքական առումով նրա «բագաժը» որը պետք է գործի դրվեր մերօրյա իրականությունում: Գործի դրվեր դիրքեր գրավելու նպատակով:
Կարդացի Միքայել Մինասյանի վերջին գրառումն ու այսպես կոչված բացառիկ հարցազրույցը և․․․: Պատեհ չհամարելով գնահատական տալ դրանց կարող եմ թերևս ասել․ «Միշիկ ջան, կենացը կարճ կապիր, արաղը տաքանում ա»: Մի՞ թե քո կողքին չկան մարդիկ, ովքեր կարող էին ավելի լավ կենացներ գրել լուրջ տպավորություն ստեղծելու համար: Մի՞ թե կարելի էր տարիների ընթացքում ստեղծված «Ջոկերի» դիմակն այս կերպ պատռել:
Մինասյանի հարցազրույցից հետո ակամայից հիշեցի հայտնի «Որոգայթ» հեռուսասերիալը: Բոլորը շարունակ փորձում էին կռահել թե ո՞վ է «Ջոկերը»: Ըստ իս ֆիլմի ռեժիսորը ևս շարունակ մտորում էր թե ինչ կերպարով ներկայացնել «Ջոկերին»: Վերջինիս «ջրի երես» դուրս գալուց հետո էֆեկտը կարծում եմ այնքան էլ տպավորիչ չէր: Բայց, ամեն դեպքում ի տարբերություն «Որոգայթի» «Ջոկերի մեր քաղաքական «Ջոկերի» մուտքը շատ ավելի տխուր ստացվեց:
