Վերաքննիչ քրեական դատարանը Գագիկ Խաչատրյանի կալանավորման որոշումը կրապարակվի երկուշաբթի՝ ժամը 09։30-ին։ Այս մասին դատական նիստից հետո լրագրողների հետ զրույցում հայտնել է ՊԵԿ նախկին նախագահի պաշտպան Երեմ Սարգսյանը։
Պաշտպանը նաև նշեց, որ Գագիկ Խաչատրյանը ներկա է եղել դատական նիստին, իսկ այս պահին նա ԱԱԾ մեկուսարանում է։
Փաստաբանի փոխանցմամբ՝ Գագիկ Խաչատրյանն ԱԱԾ-ի դեպոզիտ հաշվին փոխանցել է նրան վերագրվող ենթադրյալ հանցագործությամբ պատճառված վնասը՝ շուրջ 200 մլն դրամ գումարը:
«Գ. Խաչատրյանն իրեն առաջադրված մեղադրանքը չի ընդունում, և գումարի փոխանցումն ընդամենը հավաստումն է այն բանի, որ նա պատշաճ վարքագիծ է դրսևորում, ու եթե անգամ քննությամբ հաստատվի նրան վերագրվող արարքն, արդեն իսկ առկա է երաշխիք այն մասին, որ հանցագործությամբ պատճառված վնասը կարող է փոխհատուցվել»,-ասաց Սարգսյանը:
Հիշեցնենք, որ Գագիկ Խաչատրյանը և նրա եղբորորդին՝ ՊԵԿ նախկին պաշտոնյա Կարեն Խաչատրյանը, ձերբակալվել են օգոստոսի 27-ին, իսկ 3 օր անց՝ կալանավորվել:
