Լրատվական կայքերից մեկը երեկ ուշ երեկոյան լուր էր տարածել, ըստ որի Էջմիածնի Զվարթնոց թաղամասում գտնվող, ԱԺ նախկին պատգամավոր Հակոբ Հակոբյանին պատկանող Զվարթնոց համալիրում տեղի է ունեցել ծեծկռտուք, որին անմիջական մասնակցություն են ունեցել Հակոբյանն ու նրա երեխաները:
Այս միջադեպի հետ կապված ArmLife.am-ը դիմեց Ոստիկանության հասարակայնության հետ կապերի վարչության պետի տեղակալ Էդգար Ջանոյանին: Վերջինս հայտնեց, որ հիշյալ միջադեպի հետ կապված իրենք ունեն երկու դիմում: Ըստ առաջին դիմումատուի, ինքը ծեծի է ենթարկվել, իսկ մյուս դիմումը վերաբերվում է նյութական վնաս հասցնելուն: Այս պահին կատարվում է քննություն, և դրանից ավել ոստիկանությունը ոչինչ չի կարող ավելացնել:
Մեր ճշտող հարցին, թե այս գործով որևէ անձի մեղադրանք առաջադրվել է, կամ կան կալանավորված անձինք, Ջանոյանը խուսափողական պատասխան տվեց: Այսպիսով կարող ենք փաստել, որ Զվարթնոց համալիրում որևէ միջադեպ տեղի չի ունեցել և ԱԺ նախկին պատգամավոր Հակոբ Հակոբյանը որևէ առնչություն չունի ոստիկանության կողմից նշված դեպքի հետ:
Հիշեցնենք, որ Հակոբ Հակոբյանը ԲՀԿ ռեյտինգյին ընտրակարգով պատգամավորի թեկնածու է Արմավիրի թիվ 6 ընտրատարածքից, և նրա անձի դեմ կազմակերպված այս տեղեկատվական կեղծ արտահոսքը կարող է կապ ունենալ նրա քաղաքական գործունեության հետ:
