Պետական վերահսկողական ծառայությունը նոր բացահայտում է արել: Պարզվում է, որ Արամ Դավոյանն այս տարվա գարնանային զորակոչի նախազորակոչային հետազոտություն է անցել բժշկական հանձնաժողովի կողմից ու համարվել ծառայության համար պիտանի՝ այն դեպքում, երբ առողջական մի շարք խնդիրներ է ունեցել:
Արամն ի ծնե գլխուղեղի ֆունկցիայի խանգարում ունի: Այն արտահայտվում է տկարամտությամբ, գիտակցելու ու հասկանալու ունակության խանգարմամբ, խոսակցական ակտը խախտված է, ունի գիշերամիզություն, նյարդային ու տեսողական համակարգի հետ կապված լուրջ խնդիրներ, նյարդային ցնցումներ է ունենում, որոնց ժամանակ քթից արյունահոսում է, սիրտը եւ բրոնխները նույնպես առողջ չեն:
