Տեղեկություն ունեմ, որ մեկ շաբաթ առաջ Վրաստանի տարածքով արտերկրից Հայաստան է ներկրվել գոմեշի անորակ մսի մեծ խմբաքանակ, որը Հայաստանում հայտնի օլիգարխն օգտագործելու է երշիկի արտադրության մեջ, որն էլ իրացնելու է իր խանութների ցանցով եւ առաքիչների միջոցով : Անորակ միսը կարող է մարդկանց առողջության համար վտանգավոր լինել, սակայն օլիգարխը դրանից կշահի, քանզի այդ երշիկից հիվանդացածների մի մասը կդիմի այդ օլիգարխին պատկանող բժշկական կենտրոն, այդ կերպ եւս նրան հարստացնելով: Համապատասխան մարմինները պարտավոր են ստուգել գոմեշի մսի խմբաքանակը, թե այդ միսը որքանո՞վ է վտանգավոր մարդկանց առողջության համար: Օլիգարխի աշխատակիցները հայտնում են, որ նախկինում բազմիցս օրենքներ խախտած, հարկեր թաքցրած օլիգարխը Հայաստանում իշխանափոխությունից փոխվել է, նա աշխատակիցներին ասել է, որ ինքն այլեւս նրանց «կրիշա» չէ, իրենք պետք է մտածեն իրենց մասին:
Ոսկան Սարգսյանի ֆեյսբուքյան էջից
Ոսկան Սարգսյանի ակնարկը փաստացի վերաբերվում է այն օլիգարխին, ով խանութների ցանց ունի, հիվանդանոց և ընկերություն, որն զբաղվում է երշիկի արտադրությամբ: Այն, որ Հայստանում կա օլիգարխ, ում ընկերության արտադրած երշիկեղենը մեղմ ասած ուտելու բան չէ, հայտնի է սպառողին, նույնիսկ խանութներ կան, որոնք կատեգորիկ հրաժարվում են այդ ընկերության ապրանքանիշի երշիկեղենից:
Ստացվում է` հազիվ հարմարվել էինք երշիկի մեջ թղթի և անհայտ ծագմամբ այլ ապրանքների գոյությունից, հիմա էլ գոմեշի միս: Փաստորեն ՍԱՊԾ-ն և պատկան մյուս օղակները ձեռքի տակ անելիք կունենան` գոմէշի մսի գործ` երշիկի արտադրությունում:
