Ազգային ժողովի ՀՀԿ խմբակցության պատգամավոր, գեներալ Մանվել Գրիգորյանի առողջական վիճակն անտանելի վատ է եւ օր օրի ավելի է վատանում։ Ահազանգում է նրա պաշտպան Արսեն Մկրտչյանը, գրում է a1plus.am-ը:
Պաշտպանի խոսքով՝ միակ մխիթարանքն այն է, որ վարույթն իրականացվող մարմնի կողմից նշանակվել է փորձաքննություն։
«Ես հույս ունեմ, որ մոտ ապագայում այդ փորձաքննության արդյունքները ստանալուց հետո վարույթն իրականացնող մարմինը համապատասխան որոշում կկայացնի։ Ինձ թվում է ՀՀ-ում ոչ մի մեղսունակ բժիշկ կասկածի տակ չի դնի, որ Մանվել Գրիգորյանի հիվանդությունները անհամատեղելի են կալանքի հետ»,- ասում է պաշտպանը։
«Երեւան-Կենտրոն» ՔԿՀ-ում գտնվող Մանվել Գրիգորյանը բժշկական սպասարկումից դժգոհություններ չունի։ «Այն նյութատեխնիկական բազան եւ բուժանձնակազմը, որով ՔԿՀ-ն հագեցված է, ծառայում է իր նպատակին, սակայն դա բավարար չէ գոնե վիճակը կայուն պահելու համար»,- ավելացնում է Արսեն Մկրտչյանը։
Ըստ նրա՝ որեւէ ՔԿՀ-ում քիմիոթերապիա անձը չի կարող ստանալ։
Մանրամասը՝ սկզբնաղբյուրում:
