«Բնապահպաններին կոչ եմ անում թող գնան արջերին, առյուծներին տեր կանգնեն, քանի որ էլ մսի պահածո չկա, որ ուտեն, կարող է սովածանան», – կառավարության նիստից հետո լրագրողների հետ զրույցում ասաց ԱԱԾ տնօրեն Արթուր Վանեցյանը:
Հիշեցնենք, որ գեներալ Մանվել Գրիգորյանն իր հանգստյան տանն ունի նաև սեփական կենդանաբանական այգի, որտեղ պահվում են վագր, արջեր, ջայլամներ, կա ձիարշավարան: Ըստ ԱԱԾ-ի՝ ստացված տվյալների հիման վրա պարզ է դարձել, որ ապրիլյան քառօրյա պատերազմի մասնակից զինվորների համար նախատեսված սնունդը Մանվել Գրիգորյանն օգտագործել է սեփական կենդանաբանական այգու կենդանիներին կերակրելու նպատակով: