ԽՍՀՄ ժողովրդական արտիստ Արմեն Ջիգարխանյանը դուրս է եկել կոմայից: Այս մասին ТАСС-ին հայտնել է Մոսկվայի բժշկական շրջանակների աղբյուրը:
«Արմեն Բորիսովիչը դուրս է եկել կոմայից և այժմ գիտակից վիճակում է: Նրա վիճակը կայուն է: Այսօր նրան կտեղափոխեն մայրաքաղաքի լավագույն կլինիկաներից մեկը»,- ասել է աղբյուրը՝ հավելելով, որ դեռևս Ջիգարխանյանի ախտորոշումը պարզ չէ:
Ավելի վաղ արտիստին ինֆարկտով շտապ տեղափոխել էին հիվանդանոց և միացրել թոքերի արհեստական օդափոխության սարքին:
