Թեհրանից Մոսկվա է ժամանել բեռնատար ինքնաթիռ, որը կարող էր «Շահեդ» անօդաչուներ տեղափոխել: Այս մասին հայտարարել է Ուկրաինայի բանակի «Հարավ» օպերատիվ հրամանատարության մամուլի կցորդ Նատալյա Գումենյուկը, հաղորդում է РБК-Украина-ն:
«Իրանի աջակցությունը Ռուսաստանին շարունակվում է, և դա նշանակում է, որ նոր անօդաչուներ կարող են պատրաստվել գործարկման համար: Գրեթե ամեն գիշեր թշնամին հարձակվում է Ուկրաինայի տարածքի վրա և հենց գիշերային ժամն է օգտագործում նման հարձակումների համար։ Վերջին երկու գիշերն այդքան էլ հագեցած չի եղել, հավանաբար, եղանակային պայմանների պատճառով, քանի որ դրոնները վախենում են սաստիկ ցրտից»,- ասել է Գումենյուկը:
