Hraparak.am-ը գրում է. Մեկ օրում 2 սպայի սպանություն է եղել երկրորդ բանակային կորպուսում:
Քիչ առաջ «Հրապարակ»-ին հայտնի դարձավ, որ հունվարի 9-ին ժամերի տարբերությամբ Վարդենիսի դիրքերից մեկում սպանվել է լեյտենանտ Միքայել Դանիելյանը:
Սպանված լեյտենանտի դին առավոտյան ժամը 11-ի սահմաններում են հայտնաբերել, սակայն ճանապարհների անանցանելիության պատճառով զինվորի դին ժամեր շարունակ մնացել է դիրքում, չեն կարողացել հիվանդանոց տեղափոխել:
Մեզ հայտնի դարձավ, որ Միքայելը Ամանորի գիշերը տանն է եղել՝ հարազատների միջավայրում: Ծնողները հետաքրքրվել են ծառայությունից, ասել է, որ ամեն բան լավ է, որեւէ մեկի հետ խնդիր չունի:
Առավոտյան «Հրապարակը» գրել էր գիշերը տեղի ունեցած մեկ այլ սպանության մասին: Լուսադեմին Վարդենիսի դիրքերից մեկում ժամկետային զինծառայողներից մեկն իրեն կցված հրազենից մահացու կրակ էր արձակել նույն դիրքում ծառայող սպաներից մեկի վրա։
Ի՞նչ է կատարվում բանակում, ո՞վ է պատասխանատվություն կրելու խաղաղ պայմաններում սպանված սպաների ընտանիքի եւ զավակների առաջ:
Փորձեցինք կապ հաստատել ՊՆ մամուլի խոսնակ Արամ Թորոսյանի հետ, սակայն աչ մեր զանգերը մնացին անպատասխան։
Ամբողջական հոդվածը կարող եք կարդալ այս հասցեով՝ : https://hraparak.am/post/0ec77c1f1a7b71bb6c9e36d6d98d08fb
© 2008 — 2021 «Հրապարակ օրաթերթ»
