Դիմումը գրելու հաջորդ օրը Երեւանի քաղաքապետ Հրաչյա Սարգսյանը հավաքել է քաղաքապետարանի եւ ենթակա կառույցների ողջ կազմին` հրաժեշտ տալու: Կարճ խոսք է ասել, որի ընթացքում անգամ հուզվել է: Բավականին ջերմ հրաժեշտի արարողություն է եղել: Իսկ շենքից դուրս գալիս անգամ պահակակետի ոստիկանին է ջերմ ողջագուրվել եւ հրաժեշտ տվել:
Քաղաքապետարանի հին աշխատակիցներից մեկը, որն արդեն 2 տասնյակ եւ ավելի ղեկավարների հրաժեշտին է ականատես եղել, մեզ հետ զրույցում ասաց.
«Բոլորը հեռանալիս բարիանում են, նորմալ մարդ դառնում: Իսկ քանի դեռ քաղաքապետի աթոռին են` անգամ նորմալ բարեւ չեն տալիս աշխատողներին»:
