Մարդու իրավունքների պաշտպանի եւ նրա աշխատակազմի ֆինանսավորման կրճատման մասին օրինագիծը, եւ, ըստ էության, խորհրդարան ուղարկված ֆինանսական անկախությունից զրկելու նախագիծը հակասահմանադրական է: Այս մասին մարտի 13-ին կայացած մամուլի ասուլիսին հայտարարեց Հայաստանի մարդու իրավունքների պաշտպան Արման Թաթոյանը:
«Եթե օրենքն ընդունվի, ես կդիմեմ Սահմանադրական դատարան՝ սույն օրենքի սահմանադրականությունը վիճարկելու համար: Ավելին, ես միջնորդություն կներկայացնեմ այդ դրույթի կասեցման համար, քանի որ այն խնդիրներ կառաջացնի ժողովրդավարության եւ իրավական անվտանգության տեսանկյունից»,- շեշտեց նա:
Նշենք, որ Հայաստանի իշխանությունները մտադիր են Մարդու իրավունքների պաշտպանին զրկել ֆինանսական անկախության սահմանադրական երաշխիքից: Այդպիսի անկախությունը նախատեսված է «Օմբուդսմենի մասին» սահմանադրական օրենքով, որի համաձայն օմբուդսմենի եւ նրա աշխատակազմի ֆինանսավորման համար պետական բյուջեով նախատեսված տարեկան հատկացումները չեն կարող պակաս լինել նախորդ տարվա պետական բյուջեով նախատեսված հատկացումներից:
