Երևանի ընդհանուր իրավության դատարանը հրապարակեց Հայաստանի երկրորդ նախագահ Ռոբերտ Քոչարյանի խափանման միջոցի վերաբերյալ որոշումը։
Դատարանը որոշեց մերժել Քոչարյանի պաշտպանների միջնորդությունները։ Դատավոր Աննա Դանիբեկյանը նշեց, որ այն կարող է բողոքարկվել Վերաքննիչ դատարանում՝ ստանալու պահից 10-օրյա ժամկետում։ Նա նաև հավելեց, որ Ռ․ Քոչարյանը երեկ ենթարկվել է վիրահատության, այդ կապակցությամբ չի մասնակցում այսօրվա նիստին, ու քանի որ չկան տեղեկություններ այն մասին, թե որքան ժամանակ չի կարողանալու մասնակցել նիստերին, այսօրվա նիստը հետաձգվեց ու նշանակվեց մայիսի 19-ին, ժամը 13։00-ին։
