Քիչ առաջ Ազգային ժողովը վավերացրեց «Սեռական շահագործումից եւ սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան վավերացնելու մասին» օրենքի նախագիծը:
«Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան վավերացնելու մասին» օրենքի նախագծի քվեարկությունից առաջ ԲՀԿ-ական Գևորգ Պետրոսյանն ասաց․ «Կոնվենիցիան պարունակում է դրույթներ, որոնք ողջամտորեն սպառնալիքի տակ են դնում երեխաների դաստիարակության շահերը։ Երեկ ստացել եմ Հայ առաքելական եկեղեցու ներկայացուցիչների կողմից բազմաթիվ ահազանգեր»։ Իշխող խմբակցության ղեկավար Լիլիթ Մակունցը հակադարձեց, որ կոնվենցիան բխում է երեխաների շահերից, այն մանկապղծության դեմ համաձայնագիր է։
Ձայների 79 կողմ, 12 դեմ հարաբերակցությամբ նախագիծն ընդունվեց։
Կոնվենցիային կողմ քվեարկեց միայն «Իմ քայլը» խմբակցությունը: ԲՀ խմբակցությունը դեմ քվեարկեց, իսկ ԼՀ-ն չի մասնակցում նիստին:
Հետաքրքիր է, որ իշխող ուժում եղան 2 պատգամավորներ, ովքեր չմասնակցեցին քվեարկությանը: Նրանցից մեկը Սասուն Միքայելյանն էր: