Այս պահին 45 ծանր եւ ծայրահեղ ծանր պացիենտ ունենք «Սուրբ Գրիգոր Լուսավորիչ» ԲԿ-ի վերակենդանացման բաժանմունքում։ Այս մասին այսօր՝ մայիսի 10-ին, ֆեյսբուքյան ուղիղ եթերում ասաց ԲԿ այցելած առողջապահության նախարար Արսեն Թորոսյանը։ Եւս 70 ծանր եւ ծայրահեղ ծանր պացիենտներ կան ԲԿ-ի այլ բաժիններում։
Նշենք, որ մայիսի 10-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 3313 դեպք, որոնցից 1325-ն` առողջացած, 45-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 1928 պացիենտ: Ընդհանուր առմամբ, կատարվել է 31590 թեստավորում:
Այսպիսով` ունենք կորոնավիրուսային հիվանդությամբ հաստատված 138 նոր դեպք և 58 առողջացած։
Մահվան դեպքի վերաբերյալ հայտնում ենք, որ պացիենտը եղել է 74 տարեկան (կին) և ունեցել է ուղեկցող խրոնիկական հիվանդություններ:
Նախորդ օրը արձանագրվել է մահվան 3 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 15 է։
Նախարարi «Սուրբ Գրիգոր Լուսավորիչ» ԲԿ-ի վերակենդանացման այցի մանրամասները՝ տեսանյութում:
