Տավուշի մարզի Աչաջուր գյուղում, մարզկենտրոն Իջեւանում գնալով տարածում է գտնում այն լուրը, որ շուտով հինգ հազար բնակիչ ունեցող գյուղի հիվանդանոցի ծննդատան եւ բուժական բաժինները փակվելու են:
Ի դեպ, Աչաջրի ծննդատանը տարեկան հարյուրից ավելի երեխա է լույս աշխարհ գալիս: Հիմա աչաջրեցիները սպասում են, որ պաշտոնապես կհերքվեն այս լուրերը, բայց լուրերը չեն հերքվում:
Հիմա աչաջրեցիները պատրաստվում են բողոքի տարբեր գործողություններ իրականացնել, փորձելով կանխել հիվանդանոցի փակումը: Հիվանդանոցի, քանի որ առանց բուժական բաժնի հիվանդանոցը վերածվելու է հասարակ բուժկետի:
Աչաջրեցիները նշում են, որ այնպիսի տպավորություն է կարծես նոր իշխանությունները խնդիր են դրել դատարկել գյուղը, հիասթափեցնելով բնակչությանը:
