Իր գործողություններով Հայաստանը դավաճանում է ոչ թե Ռուսաստանին և արևմուտքում իր գործընկերներին, այլ սեփական ժողովրդին, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով NEWS.ru-ի հարցին։ Նրա խոսքով՝ ՀՀ ԱԳ նախարար Արարատ Միրզոյանի նման մարդիկ Հանրապետությունը փակուղի են մտցնում։
«Պետք չէ մոռանալ Հայաստանի հետ մեր դաշնակցային հարաբերությունների և ՀԱՊԿ-ին ու ԵԱՏՄ-ին նրա անդամակցության մասին։ Ընդ որում, ԵԱՏՄ-ի հետ փոխգործակցությունից Հանրապետությունը ստանում է ֆինանսական և տնտեսական շահույթ։ Դեռ վերջերս Երևանի իշխանությունները խոսում էին այն մասին, որ այդ կառույցները սկզբունքորեն կարևոր են տնտեսության զարգացման և Հարավային Կովկասում դրա մեկուսացումը թույլ չտալու համար։ Երբ են խաբել՝ այն ժամանակ, թե հիմա։ Ոչ մեզ են դավաճանում, ոչ էլ իրենց գործընկերներին Արևմուտքում։ Նրանք դավաճանում են իրենց ժողովրդին, դա է խնդիրը», — ասել Է Զախարովան։
Մեկնաբանելով Միրզոյանի հայտարարությունն այն մասին, որ Մոսկվան եւ Երեւանը «տարբեր լեզուներով են խոսում», դիվանագետը նշել է, որ իր նման մարդիկ Հանրապետությունը փակուղի են մտցնում: Նա հայտարարել է, որ նման հայտարարություններ լսելը ցավալի է՝ հաշվի առնելով ապրիլի 3-ին նշվող Ռուսաստանի և Հայաստանի միջև դիվանագիտական հարաբերությունների հաստատման տարեդարձը:
Ռուսաստանի հետ հարաբերությունների խզման մասին հարցին նա պատասխանել է, որ չի կարող կանխատեսել ապագան։
«Սա տարօրինակ է, քանի որ սովորաբար իշխանության մեջ գտնվող քաղաքական գործիչները ոչ միայն կանխատեսում են ապագան, այլև ստեղծագործում: Չէ որ նրանք կարող են ասել միտման մասին և, օրինակ, հավաստիացնել, որ բացասական սցենարը չի իրականացվել։ Ցավալի է լսել հայ քաղաքական գործիչների հայտարարությունները՝ հաշվի առնելով այսօր նշվող Ռուսաստանի և Հայաստանի միջև դիվանագիտական հարաբերությունների հաստատման տարեդարձը։ Ակնհայտ է, որ դա արտացոլում է Հայաստանի ներկայիս իշխանությունների ձգտումը զոհաբերել Ռուսաստանի եւ այլ մերձավոր դաշնակիցների ու գործընկերների հետ կապերի ողջ զանգվածը հանուն անցողիկ բոնուսների, որոնցով Երեւանին նշանավորել են ԵՄ- ն ու ԱՄՆ-ը», – ասել Է դիվանագետը։
