Ազդեցիկ օրենքով գող Օլեգ Պիրոգովը, որը քրեական շրջանակում առավել հայտնի է որպես Ցիրկաչ, բերման է ենթարկվել Լեհաստանում, հայտնում է Լենտա․ռու-ն։
Անցած տարի Ցիրկաչի նկատմաբ հարուցվել էր քրեական գործ «Քրեական հիերարխիայում բարձրագույն դիրքի զբաղեցում» հոդվածի հատկանիշներով․ օրենքով գողը հետախուզվում էր։ Ցիրկաչը թաքնվում էր հետաքննությունից Թաիլանդում՝ յուրաքանչյուր ամիս քարտի ստանալով խոշոր գումարի չափով համալրում հանցավոր գործունեությունից։
Այն մասին, որ նա ժամանել էր Լեհաստան, տեղեկացել էին ռուս իրավապահները եւ հաղորդել լեհ գործընկերներին, որոնք նրան բերման էին ենթարկել։ «Քրեական հեղինակությանն արտահանձնելու մասին նյութերը պատրաստ են։ Որոշումը կընդունի լեհական դատարանը»,-նեշ է աղբյուրը։
Պիրոգովին մի քանի անգամ հաջողվել է թաքնվել ոստիկանության աշխատակիցներից։
Հետաքննության տվյալներով՝ Ցիրկաչը զբաղեցրել է բարձր դիրք քրեական աշխարհում 2011 թվականին։ Այդ ժամանակ նա «թագադրվել» է օրենքով գող Ասլան Ուսոյանի (Դեդ Հասան) մոսկովյան առանձնատանը։ Այդ օրվանից Պիրոգովը համակարգել է Մոսկվայի շրջանում կազմակերպված խմբերի գործողությունները, անձամբ մասնակցել հանցավոր ազդեցության ոլորտները բաշխելու գործում։
