ՀՀ արտակարգ իրավիճակների նախարարություն հոկտեմբերի 17-ին, ժամը 21:12-ին ահազանգ է ստացվել, որ Մյասնիկյան-Բաղրամյան ավտոճանապարհին տեղի է ունեցել ՃՏՊ՝ բեռնատարը շրջվել է առկա է գազի արտահոսք. անհրաժեշտ է փրկարարների օգնությունը:
ԱԻՆ-ից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ Մյասնիկյան – Բաղրամյան ավտոճանապարհի 2-րդ կմ-ին «ЗиЛ» մակնիշի 12 ՕՕ 510 պետհամարանիշով բեռնատարը (վարորդ` Գ. Խ.)` բեռնված գազի բալոններով մոտ 90 հատ, դուրս է եկել երթևեկելի հատվածից և սահել ձորակը (մոտ 5 մ), ինչի հետևանքով վնասվել են գազի բալոնները և առկա է արտահոսք. տուժածներ չկան:
Փրկարարները հոսանքազրկել են բեռնատարը, սահմանազատել են տարածքը և իրականացրել են հերթապահություն՝ մինչ գազի բալոններից գազի արտահոսքի դադարելը: Բեռնատարը երթևեկելի հատված դուրս բերելու համար անհրաժեշտ է եղել հատուկ տեխնիկա:
