Search
Close this search box.

32–ամյա վարորդը «BMW»-ով կողաշրջվել է, տուժածները տեղափոխվել են հիվանդանոց

Հոկտեմբերի 15-ին, ժամը 08:07-ին ահազանգ է ստացվել, որ Արարատի մարզի Արարատ գյուղի սկզբնամասում տեղի է ունեցել ՃՏՊ. անհրաժեշտ է փրկարարների օգնությունը:

ԱԻՆ լրատվական ծառայության տեղեկացմամբ՝ դեպքի վայր է մեկնել մեկ մարտական հաշվարկ:

Պարզվել է, որ Մ-2 ավտոճանապարհի Երևան-Մեղրի հատվածի 49-րդ կմ-ին «BMW» մակնիշի 35 GD 383 պետհամարանիշով ավտոմեքենան (վարորդ՝ 1985 թ. ծնված Ա. Ս.) կողաշրջվել է:

Մինչ փրկարարների՝ կանչի վայր հասնելն ուղևորներ՝ 1968 թ. ծնված Է. Մ.-ը, 1958 թ. ծնված Ա. և 2008 թ. ծնված Մ. Ս.-երը տարբեր աստիճանի մարմնական վնասվածքներով տեղափոխվել են Արարատի ԲԿ, որտեղ տուժածների առողջական վիճակը բժիշկները գնահատել են բավարար:

Փրկարարները հոսանքազրկել են ավտոմեքենան և փակել գազի բալոնի փականը: