Search
Close this search box.

Ավտոբուսում կնոջ դրամապանակը գողացած 18-ամյա երիտասարդը բերման է ենթարկվել ոստիկանություն

Հոկտեմբերի 2-ին ոստիկանության Մալաթիայի բաժնում հաղորդում էր ստացվել, որ թիվ 67 երթուղու ավտոբուսի սրահում անհայտ անձը գողացել է 1964 թ. ծնված Հասմիկ Ա.-ի դրամապանակը՝ պատճառելով նյութական վնաս:

Ինչպես տեղեկացնում են ոստիկանությունից, ոստիկանության Մալաթիայի բաժնի ծառայողները, համագործակցելով նույն բաժնի վետերանների խորհրդի անդամների հետ, հոկտեմբերի 10-ին՝ ժամը 10.30-ին, Տ. Պետրոսյան փողոցի թիվ 1/Ա հասցեի մոտից նշված գողությունը կատարելու կասկածանքով բերման են ենթարկել 1999 թ. ծնված Արտակ Կ.-ին, որը տվել է խոստովանական բացատրություն:

Ձեռնարկվում են միջոցառումներ գողոնը հայտնաբերելու ուղղությամբ: