«Հրապարակ» թերթը գրում է. «Մենք պարբերաբար անդրադառնում ենք նախկին դատավորներին, ովքեր պաշտոնը թողնելուց հետո սովորաբար զբաղվում են դասախոսական կամ փաստաբանական գործունեությամբ։ Մեր տեղեկություններով՝ վերաքննիչ քրեական դատարանի նախկին դատավոր, Հոկտեմբերի 27-ի գործով մեղադրող Գագիկ Ավետիսյանն այժմ փաստաբանությամբ է զբաղվում, դատավորի պաշտոնից թոշակի անցնելուց հետո՝ 2016թ․, նա վերականգնել է փաստաբանի լիցենզիան։ Թոշակի գնացած մյուս հայտնի Ավետիսյանը՝ վճռաբեկ դատարանի քրեական եւ զինվորական պալատի նախկին նախագահ Դավիթ Ավետիսյանը, իրեն այժմ նվիրել է դասախոսական աշխատանքին եւ պոեզիային։ Ֆեյսբուքի իր էջում պարբերաբար հրապարակում է իր ոտանավորները, լուսանկարներ տեղադրում դասախոսական կյանքից»։
Մանրամասը՝ թերթի այսօրվա համարում: