Լեհաստանի հավաքականի ֆուտբոլիստներն ու մարզչական շտաբի ներկայացուցիչներն արդեն ժամանել են Երևան:
Հիշեցնենք, որ վաղը` հոկտեմբերի 5-ին կկայանա աշխարհի 2018 թվականի առաջնության ընտրական փուլի` Հայաստան-Լեհաստան հանդիպումը:
Լեհաստանի հավաքականի գլխավոր մարզիչ Ադամ Նավալկայի նախախաղային մամուլի ասուլիսը կկայանա այսօր` ժամը 15:30-ին, իսկ թիմի նախախաղային մարզումը` երեկոյան 19:00-ին Վ. Սարգսյանի անվան «Հանրապետական» մարզադաշտում:
Հայաստան-Լեհաստան հանդիպումը ևս կկայանա «Հանրապետական» մարզադաշտում և կմեկնարկի ժամը 20:00-ին:
