Search
Close this search box.

«Հրապարակ». Մարզերից եկած պատգամավորների դիմումը այլևս հիմք չէ փոխհատուցում ստանալու համար

«Հրապարակ» թերթը գրում է. «Ազգային ժողովի աշխատակազմը նոր կարգ է սահմանել մարզերից ընտրված պատգամավորների՝ Երեւանում բնակարանների վարձակալության դիմաց բյուջեից հատկացվող փոխհատուցման գործընթացում։ Եթե նախկինում պատգամավորի դիմումը բավարար էր բյուջեից 100 հազար դրամ փոխհատուցվելու համար, ապա հիմա փաստաթղթեր պետք է ներկայացնել, որ վարձակալությամբ բնակարանում են բնակվում, որպեսզի փոխհատուցումը կատարվի։ Բանն այն է, որ տարիներ շարունակ մարզերից ընտրված ազգընտիրների շարքերում եղել են նաեւ միլիոնատերեր, որոնք անգամ բնակարան չեն վարձակալել, սակայն մի դիմումի շնորհիվ այդ գումարներն ստացել ու, ենթադրենք, փոխանցել են իրենց օգնականներին։ Թերեւս այս նորամուծությամբ է պայմանավորված որոշ պատգամավորների «բարոյական հետողորմյան»։ Օրինակ՝ երեկ Վարդան Ղուկասյանը հայտարարեց, թե ինքը հետ է վերցրել դիմումը եւ ամոթի զգացում ունի»։

Մանրամասը՝ թերթի այսօրվա համարում: