ԱԺ «Ծառուկյան» դաշինք խմբակցության ղեկավար Գագիկ Ծառուկյանը դարձյալ չի մասնակցում ԱԺ նիստերին։ Խմբակցության պատգամավոր Իվետա Տոնոյանն այսօր խորհրդարանում լրագրողներին ասաց, որ Ծառուկյանի բացակաները հարգելի են։
«Գագիկ Ծառուկյանը` որպես Օլիմպիական կոմիտեի նախագահ, իր գործառույթներն է իրականացնում։ Նա այցով գտնվում է արտերկրում։ Իսկ նրա բացակայությունների հետ կապված հիմնավորումները ներկայացվում են ԱԺ ղեկավարությանը»,- ասաց Իվետա Տոնոյանը։
Հարցին, թե ԱԺ նախագահն ասել էր, որ բացակաների նկատմամբ խիստ են լինելու, Ծառուկյանին նկատողություն չի տրվել, նա պատասխանեց, որ նման տեղեկություն չկա։