Search
Close this search box.

ՖՈՏՈ. Մեր սաները տարբերվում են. Նոր «OKI DOKI» Երևանում

Մեր երկրում բացվում են նոր մանկապարտեզներ ու դպրոցներ. դա նշանակում է, որ Աստծո աջը մեզ վրա է: Դա նշանակում է, որ մենք անհաղթելի ենք»,-«Oki-Doki» մանկապարտեզի նոր մասնաճյուղի բացմանը այսպես սկսեց իր օրհնանքը հրավիրված քահանան:
«Oki-Doki»-ն տարիների փորձ ունեցող մանկապարտեզ է. դրա առաջին սաներն արդեն ավագ դպրոցում են սովորում: Տնօրեն Արփինե Մխիթարյանը նկատել է, որ «Oki-Doki»-ի սաները տարբերվում են՝ շատ տարեկիցների համեմատ նրանք ավելի շփվող են, զարգացած, ավելի լավ են պատրաստված դպրոց գնալու: Բարձրակարգ մանկավարժների ջանքերի արդյունքում ստացվող այդ տարբերությունը դարձել է մանկապարտեզի նշանաբանը:
Սեպտեմբերի 30-ին, առաջին «Oki-Doki»-ի բացումից տասը տարի անց, բացվեց մանկապարտեզի նոր մասնաճյուղը, այս անգամ՝ Մալաթիա-Սեբաստիա համայնքում, Անդրանիկի 32 հասցեում: Միջոցառումը վերածված էր երեխաների տոնի՝ խաղեր ծաղրածուի ու փերիի հետ, երգեր և շատ, շատ քաղցրավենիք: Եկել էին մանկապարտեզի նախկին ու ներկայիս սաները, նաև ծնողներ՝ փոքրիկների հետ, որոնք դեռ նոր պետք է սկսեն մանկապարտեզ հաճախել:
Տնօրենի խոսքը կարճ էր. Արփինե Մխիթարյանը շնորհակալություն հայտնեց բոլորին, ովքեր օգնել ու նպաստել են նոր մանկապարտեզի բացմանը, «Oki-Doki»-ի մանկավարժներին՝ հիանալի աշխատանքի համար, ծնողներին՝ հրաշալի սաների համար: Ասաց ու արագ գնաց ևս մի սկուտեղ գունավոր թխվածքաբլիթներ բերելու: Որովհետև «Oki-Doki»-ում ամեն ինչից առաջ ու կարևոր երեխաների ուրախությունն է:

[smartslider3 slider=101]