Սյունիքի մարզի ընդհանուր իրավասության դատարանի դատավոր Նապոլիոն Օհանյանի եղբոր տղան՝ Կապան քաղաքի բնակիչ՝ 26-ամյա Նարեկ Օհանյանը, ով կասկածվում էր Lexus մակնիշի 55 CC 550 համարանիշի ավտոմեքենայով Կապանի բնակիչ՝ 9-ամյա Օքսաննա Գրիգորյանին հուլիսի 21-ին մահվան ելքով վրաերթի ենթարկելու մեջ, Սյունիքի մարզի ընդհանուր իրավասության դատարանի (նստավայրը՝ Կապան) կողմից դատապարտվել է ազատազրկման՝ 1 տարի 6 ամիս ժամկետով։
SHAMSHYAN.com-ի տեղեկություններով՝ վերջինս ենթարկվել է նաև վարչական պատասխանատվության՝ 150 հազար դրամի չափով։ Ն. Օհանյանը տեղափոխվելու էր Գորիսի բանտ:
Կայքը հիշեցնում է, որ Ն. Օհանյանը վրաերթից առաջ մասնակցելիս էր եղել եղբոր հարսանեկան արարողությանը, իսկ դեպքից հետո մահացած 9-ամյա աղջնակի մայրը գտնվել է բժիշկների հսկողության տակ, քանի որ նա հղի էր և կար մտավախության, որ հնարավոր էր՝ հոգեկան ծանր ապրումներն ազդեն պտղի վրա:
