Ոստիկանության մամուլի ծառայությունից տեղեկացնում են, որ սեպտեմբերի 12-ին ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, ժամը 19.00-ին, Երևանի Աբովյան փողոցի թիվ 48 հասցեի մոտից բերման են ենթարկել 1988 թ. ծնված Գոռ Պ.-ին և հրավիրել 1965 թ. ծնված Սուսաննա Հ.-ին:
Պարզվել է, որ նույն օրը, ժամը 18.50-ին, Գոռ Պ.-ն Աբովյան փողոցում՝ թիվ 63 երթուղու ավտոբուսի սրահում, Սուսաննա Հ.-ից գողացել է դրամապանակը, որի մեջ եղել է գումար, բանկային քարտեր և անցագիր:
Գողոնն առգրավված է:
Կատարվում է հետաքննություն:
Menu
