Սլովենիայում նախագահական ընտրությունները տեղի կունենան հոկտեմբերի 22-ին: Ակնկալվում է, որ գործող նախագահ Բորուտ Պախորը կառաջադրվի երկրորդ ժամկետով, հաղորդում է AP-ն:
Խորհրդարանի խոսնակ Միլան Բրժեժը պաշտոնապես նշանակել է ընտրությունների օրը, որոնք պետք է կայանան աշնանը: Վերջին հարցումների արդյունքների համաձայն՝ առաջադրվելու դեպքում գործող նախագահը, ամենայն հավանականությամբ, կվերընտրվի:
53-ամյա Պախորը, որը նախկինում մոդել է աշխատել, հայտնի է որպես սոցցանցերի ակտիվ օգտատեր: