Քաղաքագետ Ստեփան Գրիգորյանը դրական է համարում ԵՏՄ-ից դուրս գալու մասին «Ելք» դաշինքի կողմից ԱԺ ներկայացված օրինագծի նախագծիը: Ըստ նրա՝ օրինագիծն անցկացնելը շատ դժվար կլինի, քանի որ «Ելք»-ը մեծամասնություն չէ, բայց կարևորը նախաձեռնությունն է ու փաստերն ԱԺ-ում քննարկելը. «ԵՏՄ-ն չի աշխատում, ԵՏՄ-ում պրոբլեմներն օրեցօր ուժեղանում են ու պարտավոր են ԱԺ-ում այդ քննարկումներն անցկացնել: Քննարկումն իր արձագանքը կստանա Ռուսաստանում, Ղազաղստանում, Բելառուսում: Եվ միգուցե` ԵՏՄ-ի շրջանակներում մեր նկատմամբ տրամադրությունների կամ քայլերի փոփոխություն լինի: Պետք չէ պրիմիտիվ նայել. ինքը՝ քննարկումը, օգտակար է և՛ հասարակության համար, և՛ քաղաքական էլիտայի համար, և՛ պետության համար»,-ArmLIfe.am-ի հետ զրույցում նշեց քաղաքագետը:
Ռուսաստանի ու Հայաստանի քաղաքական որոշ շրջանակներ «Ելք» դաշինքին համարում են իշխող կոալիցիայի ապագա անդամ, իսկ «Ելք»-ի այս օրինագծում էլ տեսնում անձամբ Սերժ Սարգսյանի գործոնը, ինչո՞վ է ձեռնտու Սերժ Սարգսյանին մթնոլորտ շիկացնել` սպառնալով Ռուսաստանին դուրս գալ ԵՏՄ կազմից: Քաղաքագետը նշեց, թե այդ հարցում փնտրել Սերժ Սարգսյանի միջամտությունը՝ ուղղակի դավադրությունների տեսությունից է .«Ես դավադրությունների կողմնակից չեմ, ես այստեղ իշխանության հետք չեմ տեսնում»,-նշեց նա:
Ըստ Ստեփան Գրիգորյանի՝ Հայաստանը ԵՏՄ-ից դուրս գալով կարող է հանգիստ աշխատել Ռուսաստանի հետ, որպես այլընտրանք՝ հնարավորություն ունենալով ազատ առևտրի գոտու մասին համաձայնագրեր ստորագրել Իրանի ու Վրաստանի հետ. « Այլընտրանքներ միշտ կան, բայց գլխավոր միտքն այն է,այլընտրանք ես փնտրում ոչ թե ռազմական ոլորտւմ , այլ տնտեսական ոլորտում: Ոչ մի վտանգ այստեղ չկա»: Քաղաքագետը ցավով է նկատում, որ ԵՏՄ-ում սկսեցին աշխատել այնպիսի մեխանիզմներ, որոնք Հայաստանի համար ձեռնտու չեն: Օրինակ՝ ԵՏՄ-ի պատճառով փոքր բիզնեսը տուժում է, Բագրատաշենի անցակետում խնդիրներ են առաջացել Վրաստանից ներմուծվող ապրանքների համար: Կամ հաջորդը, որ ՀՀ վարորդական իրավունքը ՌԴ-ում չի անցնելու. «Ես ինչ-որ տեսնում եմ՝ դեռ զուտ բացասական է: Հարցս ինչումն է, երբ որ մտնում էին ԵՏՄ՝ հաշվարկ չարեցին, որ այս մեխանիզմները կսկսվեն կիրառվել ու կազդեն մեր հասարակության առանձին շերտերի վրա: Էդ ինչպես է, որ ԵՏՄ անդամակցությունից հետո, Ղազախստանի առևտուրը Չինաստանի հետ, կամ Բելառուսի առևտուրը ԵՄ-ի հետ՝ ոչ մի բանով չտուժեց, իսկ մերը՝ տուժեց: Ոչ Ղազախստանում, ոչ Բելառուսում բիզնեսը դժգոհություն չարտահայտեց, ուրեմն իրենք նախօրոք ինչ-որ մեխանիզմներ կիառել են, որ չտուժվի: Մեզ մոտ անընդհատ տուժում են»: Քաղաքագետի համոզմամբ՝ ԵՏՄ-ի կողմնակիցները, այդ թում՝ Կառավարությունը, նույն խոսքեր են ասում, թե Ռուսաստանի հետ առևտուրն աճեց, բայց որևէ կոնկրետ դրական օրինակ չի ներկայացվում:
ArmLife.am