Search
Close this search box.

ՏԵՍԱՆՅՈՒԹ. Ինչ եք անում, որպեսզի արցախցիները՝ Արցախում ապրելու իրավունք ստանան. հարց՝ Լևոն Քոչարյանին

Իշխանությունները փորձում են քանդել այն ոլորտները, որտեղ ամբողջական իշխանություն և ազդեցություն չունեն: Այս մասին Մայր Աթոռ Սուրբ Էջմիածնում՝ ի աջակցություն Հայ առաքելական եկեղեցուն ակցիայի ժամանակ, լրագրողների հետ ճեպազրույցում հայտարարեց ՀՀ ԱԺ «Հայաստան» խմբակցության պատգամավոր Լևոն Քոչարյանը:

«Նրանք տեսնում են եկեղեցին որպես մի կառույց, որը կարող է նրանց հակառակվել, խոսք ասել: Մենք տեսանք եկեղեցու ուղերձներում Արցախի հետ կապված մոտեցումներ, որը կտրականապես տարբերվում էր իշխանության մոտեցումներից և, այս առումով, նրանք գուցե վտանգ են տեսնում և ուզում են թուլացնել եկեղեցին»,- նշեց նա:

Խոսելով եկեղեցու քաղաքականացված լինելու կամ քաղաքական հայտարարություններ անելու մասին՝ պատգամավորը հարց բարձրացրեց, թե արդյո՞ք քաղաքականություն է պատմական իրավունքներից, Արցախից և երկրի ապագայից խոսելը:

«Այս ամենի մասին է եկեղեցին խոսում: Եթե այս ամենի մեջ խոչնդոտ է հանդիսանում այս իշխանությունը՝ ի՞նչ անել, չխոսե՞լ: Կարծում եմ, այս դեպքում, չխոսելն ավելի սխալ է, քան խոսելը: Մենք ունենք բանիմաց և խոհեմ սրբազաններ, ովքեր իրենց խոսքով նաև ճիշտ բանաձևն ու բացատրությունն են տվել այս ամենի»,- հավելեց Քոչարյանը:

Մանրամասները՝ տեսանյութում: