Search
Close this search box.

Կրեմլ. Կարևոր է, որ Հայաստանի անդամակցությունը ՄՔԴ-ին չազդի երկկողմ հարաբերությունների վրա

Ռուսաստանի համար կարևոր է, որ Հայաստանի անդամակցությունը Միջազգային քրեական դատարանին՝ դե յուրե և դե ֆակտո, բացասաբար չանդրադառնա երկկողմ հարաբերությունների վրա, Մոսկվան բարձր է գնահատում այդ հարաբերությունները։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ նովոստին»;

«Այստեղ մեկնաբանելու ոչինչ չկա։ Սա ընդհանրապես Հայաստանի ինքնիշխան իրավունքն է։ Բայց մյուս կողմից, մեզ համար կարևոր է, որ նման որոշումները չանդրադառնան ինչպես դե յուրե, այնպես էլ դե ֆակտո մեր երկկողմ հարաբերությունների վրա, որոնք մենք գնահատում ենք և հույս ունենք հետագայում զարգացնել»,- լրագրողներին ասել է Պեսկովը՝ պատասխանելով Հայաստանի՝ ՄՔԴ-ին անդամակցությունը մեկնաբանելու խնդրանքին։

2023 թվականի նոյեմբերին ՄՔԴ-ն հայտարարեց, որ Հայաստանը 2024 թվականի փետրվարի 1-ից կդառնա Հռոմի կանոնադրությանը միացած 124-րդ պետությունը և Արևելյան Եվրոպայի խմբից 19-րդ պետությունը։