Search
Close this search box.

Ռուսաստանի և Ադրբեջանի ԱԳՆ-ները քննարկել են Երևանի և Բաքվի հարաբերությունները

Ադրբեջանի փոխարտգործնախարար Էլնուր Մամեդովը Ռուսաստան կատարած այցի ժամանակ իր ռուս գործընկեր Միխայիլ Գալուզինի հետ քննարկել է Բաքվի և Երևանի միջև հարաբերությունների կարգավորման գործընթացը, հաղորդում է Ադրբեջանի արտաքին քաղաքական գերատեսչության մամուլի ծառայությունը:

«Մամեդովը Գալուզինին տեղեկացրել է հետկոնֆլիկտային շրջանում տարածաշրջանում առկա իրավիճակի, Ադրբեջանի եւ Հայաստանի միջեւ հարաբերությունների կարգավորման գործընթացի եւ խաղաղ օրակարգի առաջմղման ուղղությամբ տարվող աշխատանքների մասին», — ասված է հաղորդագրության մեջ:

«Հանդիպման ընթացքում կողմերը քննարկել են երկու երկրների միջև քաղաքական երկխոսությանը վերաբերող հարցեր տարբեր ոլորտներում, այդ թվում՝ տնտեսության, առևտրի, մշակույթի, հումանիտար գիտությունների և այլն: Նշվել է, որ ուղղություններով համագործակցության մակարդակը գոհունակություն է առաջացնում: Այս առումով ընդգծվել է կապերի հետագա ընդլայնման համար առկա ներուժի օգտագործման անհրաժեշտությունը։ Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ», — նշված է հաղորդագրության մեջ: