Search
Close this search box.

Առնոլդ Շվարցենեգերը խոսել է ընտանեկան գաղտնիքի մասին

Կալիֆորնիայի նախկին նահանգապետ Առնոլդ Շվարցենեգերը պատմել է, թե ինչպես է կոտրել իր նախկին կնոջ՝ Մարիա Շրայվերի սիրտը, խոստովանելով, որ իրենց տնային տնտեսուհի Միլդրեդ Բաենայի որդու՝ Ջոզեֆի հայրն է:

Netflix-ի առաջիկա երեք մասից բաղկացած վավերագրական ֆիլմում՝ Առնոլդը, «Տերմինատոր»-ի 75-ամյա աստղը հայտնել է, որ 67-ամյա Շրայվերը 2011 թվականին ամուսնության խորհրդատուի միջոցով իրեն հարցրել է հայրության մասին, հայտնում է The Sun-ը։

«Նա ցանկանում է իմանալ, արդյոք դուք Ջոզեֆի հայրն ես», — ասել է խորհրդատուն Ջոզեֆի մասին, որը ծնվել է 1997 թվականին: «Զգում էի, որ սիրտս կանգ է առել», — նշել է Առնոլդը: «Եվ այդ ժամանակ ես ասացի ճշմարտությունը. «Այո, Մարիա: Ջոզեֆն իմ որդին է»: Շվարցենեգերը նշել է, որ իր կինը «տեսանելիորեն ընկճված էր այդ» խոստովանությունից։

1996 թվականին Միլդրեդի հետ իր սիրավեպից հետո աստղը պնդում էր՝ հավատում է, որ Ջոզեֆը, որն այժմ 25 տարեկան է, իրականում իր երեխան չէր, քանի որ մայրն այն ժամանակ դեռ ամուսնացած էր: «Սկզբում ես իսկապես չգիտեի», — բացատրել է Շվարցենեգերը: «Բայց որքան նա մեծանում էր, այնքան ինձ համար պարզ էր դառնում։

Այն բանից հետո, երբ դերասանը խոստովանեց, որ սիրավեպ է ունեցել, զույգը ավարտեց ամուսնությունը մոտ 20 տարվա ամուսնությունից հետո:

«Ամուսնալուծությունը սկզբում շատ դժվար էր»,- ապրիլին The Hollywood Reporter-ին ասել է Շվարցենեգերը: «Ի վերջո, դու առաջ ես գնում… Ես եւ նա իսկապես լավ ընկերներ ենք ու շատ մտերիմ, եւ մենք շատ հպարտ ենք, թե ինչպես ենք դաստիարակել մեր երեխաներին»։

Դերասանի խոսքով՝ Միլդրեդի հետ սիրավեպն իր ամենամեծ «անհաջողությունն» էր։ «Բավականին ցավ եմ պատճառել ընտանիքիս, որովհետեւ խաբել եմ: Բոլորը տառապում էին։ Ես պետք է ապրեմ դրանով իմ ողջ մնացած կյանքը»: