ԱՄՆ-ը չի պարտավորվում կանխատեսել, թե ինչ ուղղությամբ կզարգանա ուկրաինական հակամարտությունը, բայց կարծում է, որ Ռուսաստանն «արդեն պարտվել է» դրանում, երկուշաբթի ասել է Պենտագոնի ղեկավարի քաղաքական հարցերով օգնական Քոլին Քալը։
«Դժվար է ասել, թե ինչ ուղղությամբ կզարգանա պատերազմը, բայց ընդհանուր առմամբ, արդեն պարզ է, որ Ռուսաստանը պարտվել է դրանում:
Նրա նպատակն էր գրավել Ուկրաինան, և դա տեղի չի ունենա: Նրա մյուս խնդիրը ՆԱՏՕ-ի թուլացումն էր, բայց տեղի ունեցավ լրիվ հակառակը»,- ասել է Քալը՝ ելույթ ունենալով ՆԱՏՕ-ի երիտասարդական գագաթնաժողովում։
