Search
Close this search box.

Քիշնևում Փաշինյանի մասնակցությամբ հանդիպումն ավարտվեց. ինչ է հայտնի

Մոլդովայի մայրաքաղաք Քիշնևում ավարտվեց Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի ու Գերմանիայի կանցլեր Օլաֆ Շոլցի հնգակողմ հանդիպումը, հանդիպումը տևել է շուրջ մեկուկես ժամ:

Եվրոպական խորհրդի նախագահ Շառլ Միշելը հայտարարել է, որ Ադրբեջանի և Հայաստանի ղեկավարների հաջորդ հանդիպումը կկայանա հուլիսի 21-ին Բրյուսելում։

«Մենք Բրյուսելում ունեցանք քննարկված բոլոր թեմաներին անդրադառնալու հնարավորություն: Քննարկել ենք սահմանազատման և խաղաղ պայմանագրի խնդիրները: Այս հանդիպումը դարձավ շատ լավ նախապատրաստում հուլիսի 21-ին բրյուսելյան հանդիպման համար»,- ասել է Միշելը:

Ավելի վաղ Մոլդովայի մայրաքաղաք Քիշնևում ընթանում էր Փաշինյան-Միշել-Շոլց-Մակրոն-Ալիև հնգակողմ հանդիպումը։

Բանակցությունների թեման Հայաստան-Ադրբեջանի հարաբերությունների կարգավորումն է։ Բանակցությոններն ընթանում էին Եվրոպական քաղաքական համայնքի 2-րդ գագաթնաժողովի շրջանակում։