Search
Close this search box.

ՖՈՏՈ. Ո՞նց կարելի է այսքան չսիրել Երևանը. ձեզ փոքր ժամանակ այգի չեն տարել, ու դուք հիմա վրեժ եք լուծում երեխաներից

«Ապրելու Երկիր» կուսակցության համահիմնադի Մեսրոպ Առաքելյանը ֆեյսբուքյան իր էջում գրում է.

Սա Երևանի քաղաքապետարանի դիմացի այգին է, որտեղով, վստահ եմ, ամեն օր անցնում են քաղաքապետարանի բազմաթիվ աշխատակիցներ։

Քաղաքի կենտրոնում գտնվող այգին թերևս քաղաքի ամենափնթի այգիներից է, որը տարեցտարի ուղղակի վերածվում է աղբավայրի։ Սակայն, քաղաքապետարանը ամենևին էլ աչքաթող չի արել այս այգին, այլ ինտենսիվ աջակցում է հանրային տարածքում շինարարության զարգացմանը։

Այստեղ անցած տարի տրամադրվել է երկու հսկայական շինարարության թույլտվություն, որը ուղղակի հանցագործությունն է հանրային սեփականության նկատմամբ։

Բայց, կարևորը, էկրանների առաջ նկարվեք, թե ոնց եք այգիներից քանդում 90-ականներից մնացած, արդեն քարուքանդ եղած ժեշտից կրպակները ու ձեր կաբինետներում նստած այգիներում քարե հսկայական շինություններ կառուցելու թույլտվություններ տրամադրեք։
Լավ, ուզում եմ հասկանամ՝ ի՞նչն է նման որոշումների պատճառ դառնում, ո՞նց կարելի է այսքան չսիրել Երևանը։ Քանի որ ես կզարմանամ, որ պարզվի՝ քաղաքապետարանում կոռուպցիա կա, մնում է մի բան՝ ձեզ փոքր ժամանակ այգի չեն տարել ու դուք հիմա էլ վրեժ եք լուծում երեխաներից ձեր անայգի մանկության համար։



экономите время и до 30% от стоимости