Այսօր՝ մարտի 5-ին, արտակարգ դեպք է տեղի ունեցել Երևանում: Ժամը 08:15-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մալաթիա-Սեբաստիա վարչական շրջանի բարձրահարկ շենքերից մեկի 14-րդ հարկի բնակարաններից մեկի պատուհանից քաղաքացին սպառնում է ցած նետվելով ինքնասպանություն գործել:
Shamshyan.com-ի փոխանցմամբ՝ օպերատիվորեն ժամանել են Փրկարար ծառայության թիվ 7 հրշեջ-փրկարարական ջոկատից 1 մարտական հաշվարկ:Մինչ հրշեջների ժամանումը ՀՀ Ներքին Գործերի նախարարության Ոստիկանության Պարեկային ծառայության Երևանի գնդի 2-րդ գումարտակի 1-ին վաշտի պարեկ Կարեն Գալստյանը, կրտսեր պարեկներ Գոռ Ադամյանը և Արմինե Վարդանյանը կարողացել են ինքնասպանության փորձ կատարող քաղաքացու հետ ճիշտ բանակցություններ վարել, որի արդյունքում էլ փրկել են նրա կյանքը և նրան մոտեցրել օպերատիվորեն ժամանած Երևանի շտապօգնութայն ավտոմեքենային:
Տեղում քաղաքացուն ոչ միայն բժիշկերն են առաջին բուժօգնություն ցուցաբերել, այլ նաև Փրկարար ծառայության հոգեբան Գևորգյանը, ով առաջնային հոգեբանական օգնություն է ցուցաբերել:Տեղում ծառայություն են իրականացրել Պարեկային ծառայության Երևանի գնդի 2-րդ գումարտակի 1-ին վաշտի պարեկները՝ գումարատակի հրամանատարի տեղակալ Դավիթ Նիկողոսյանի, վաշտի հրամանատար Հայկ Արոյանի գլխավորությամբ: Օպերատիվորեն ժամանել են նաև ՀՀ ՆԳՆ Ոստիկանության Մալաթիայի բաժնի օպերատիվ խումբը՝ բաժնի պետ Անդրանիկ Մելոյանի գլխավորությամբ:
Կայքի տեղեկություններով՝ ինքնասպանության փորձ կատարող քաղաքացին Երևանի բնակիչ 16-ամյա Մ. Հ.-ն է:
© https://shamshyan.com/hy/article/2023/03/05/1234020