Search
Close this search box.

Շրջափակված Արցախում հարսանիք է

Հունվարի 22-ին շրջափակված արցախում հարսանիք է եղել։

Լուսանկարիչ Դավիթ Ղահրամանյանը ֆեյսբուքյան իր էջում հարսանեկան արարողությունից լուսանկար է հրապարակել և կից գրել։

«Գեղամի և Արևի պսակադրությունը Ստեփանակերտի Սուրբ Հակոբ եկեղեցում։ Ադրբեջանի տերրորիստական իշխանության կողմից Արցախի շրջափակման 42-րդ օր»:

Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը՝ խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը, ոտնահարելով քաղաքացիական բնակչության կենսական շահերն ու իրավունքները: Նրանք վրաններ են տեղադրել, վառարաններ բերել։ Ճանապարհը 42 օր է փակ է։

Ավելի քան 120 հազար արցախահայեր, այս թվում՝ շուրջ 30 հազար երեխա, գտնվում են շրջափակման մեջ։ 1100 քաղաքացի, այդ թվում՝ 270 երեխա, զրկված է տուն վերադառնալու հնարավորությունից։

Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։