Իսրայելը պատրաստ է հարվածել Իրանին՝ նրա միջուկային ծրագրի զարգացման պատճառով։ Այդ մասին իսրայելական «13-րդ ալիքին» տված հարցազրույցում հայտարարել է պաշտպանության նախարար Բենի Գանցը։
«Իրանն ամբողջ աշխարհի խնդիրն է, և ոչ միայն Իսրայել պետության մասնավոր խնդիրը։ Մենք կարող ենք հարվածել ատոմը զսպելու համար»,- ասել է նա:
Բացի այդ, Գանցը հայտնել է Իսրայելի դժգոհությունը իրանական միջուկային ծրագրի շուրջ Գործողությունների համատեղ համապարփակ ծրագրի (ՀԳՀԾ) վերականգնման բանակցություններից։ «Մենք շատ դժգոհ ենք համաձայնագրից, որը վատ համաձայնագիր կլինի, քանի որ [պատժամիջոցների] ժամանակավոր հետաձգում կլինի, և իրանցիները կկարողանան բացել տնտեսությունը»,- ասել է նախարարը։
