Հայաստանի ԱԻՆ-ում, այսօր՝ դեկտեմբերի 29-ին, ժամը 12:09-ին ահազանգ է ստացվել, որ ծուխ է նկատվում Երեւան քաղաքի Արամ Խաչատրյան փողոցի 18/1 շենքի մոտակայքում տեղի է ունեցել գազի արտահոսք՝ հրդեհի բռնկումով:
Դեպքի վայր է մեկնել երկու մարտական հաշվարկ եւ արտակարգ իրավիճակների արձագանքման խումբը:
Պարզվել է, որ հրդեհ է բռնկվել Արամ Խաչատրյան փողոցի թիվ 18/1 տանը:
Հրդեհը մեկուսացվել է ժամը 12:27-ին, մարվել՝ 12:40-ին:
Մահճակալի վրա հայտնաբերվել է տան բնակչի՝ 1934 թ. ծնված Մ. Մ.-ի մասամբ այրված դին:
Այրվել է մահճակալի ներքնակը եւ բարձը ՝ մասամբ:
