Ղազախստանի խոշոր Ալմաթի քաղաքի կենտրոնում կրակոցները շարունակվում են։ հայտնում է «ՌԻԱ Նովոստի»-ն:
Տեղական ԶԼՄ-ների տվյալներով՝ կրակոցները հնչել են գրեթե ողջ գիշեր։
«Sputnik Ղազախստան»-ի տվյալներով՝ այժմ իրավապահները մաքրում են Ալմաթին ցուցարարներից։
«Քաղաքում հակաահաբեկչական օպերացիան շարունակվում է։ Քաղաքի բնակիչներն օգնում են ոստիկանությանը բացահայտել մարդկանց կասկածելի խմբերը»,- ասվում է հաղորդագրության մեջ։
Գործակալությունը նշում է, որ օպերացիան բարդանում է քաղաքի վրա իջած մառախուղի պատճառով։
