Երեկ մահացել է արդարադատության նախկին նախարար Արմեն Աշրաֆյանը:
Նա ծնվել էր 1946թ Լոռու մարզի (Գուգարքի շրջան) Լեռնապատ (նախկին Հաջղարա) գյուղում, իսկ բարձրագույն կրթությունն ստացել Երևանում` ավարտելով պետական համալսարան իրավաբանական ֆակուլտետը:
Աշխատանքային գործունեություն
Մինչև 1982 թվականը աշխատել է Լենինյան շրջանի ժողդատարանում: Այնուհետև ընտրվել է Խորհրդային շրջանի ժողդատարանի նախագահ, եղել է ՀՀ գերագույն դատարանի անդամ, արդարադատության նախարար:
Երկար տարիներ աշխատել է ՀՀ գլխավոր դատախազությունում` լինելով նախ դատարաններում քրեական գործերով մեղադրանքի պաշտպանության վարչության, այնուհետեւ կոռուպցիայի եւ կազմակերպված հանցավորության դեմ պայքարի վարչության պետ:
Արմեն Աշրաֆյանը եղել է ՀՀ դատախազության կոլեգիայի և գիտամեթոդական խորհրդի անդամ: