Search
Close this search box.

«Չկրակելու հրաման որևէ պաշտոնատար անձի կողմից չի տրվել». ՊՆ փոխնախարար

«Խնայելով իմ ժամանակը, հրատապության առումով, պնդում եմ, որ չկրակելու մասին հրաման որևէ պաշտոնատար անձի կողմից չի տրվել, վստահաբար: Ինչ վերաբերվում է ծեծկռտուքներին՝ դրանք իրավիճակից բխող, պահի թելադրանքով իրականացվող գործողություններ են, որոնք կարող են հստակ գնահատականի արժանանալ». Այս մասին այսօր՝ նոյեմբերի 30-ին, պաշտպանության հանձնաժողովի նիստում ասաց ՊՆ փոխանախարար Արման Սարգսյանը՝ անդրադառնալով «Հայաստան» խմբակցության պատգամավոր Գեղամ Մանուկյանի հարցին՝ արդյո՞ք ՊՆ-ն որևէ քննություն իրականացրել է, պարզելու՝ զինվորական ստորաբաժանումներն ինչո՞ ւ են ոչ թե կրակոցների, այլ ծեծկռտուքի միջոցով փորձել կանխել թշնամու առաջախաղացումը:

Գեղամ Մանուկյանն էլ հակադարձեց.

«Չեմ ուզում վիճաբանել և աշխատանքը խանգարել, քանի որ պարոն Սարգսյանը շտապում է, բայց աբսուրդ է, երբ սահմանին փայտով իրար ծեծում են, ու պարզվում է, որ կրակելու հրաման չեն տվել: Եթե հրաման չեն տվել, վարչապետը, ՊՆ նախարարը և ԳՇ պետը մեկ օրվա ընթացքում այս հարցը կարող էին կարգավորել, այլ ոչ թե թույլ տալ, որ մեր բանակը ձեռնամարտի մեջ մտներ ադրբեջանական բանակի հետ, հետո էլ դավաճաններ հռչակեին»,-նշեց Մանուկյանը: