Search
Close this search box.

Մոսկվայում հայերի մասնակցությամբ ծեծկռտուք է եղել

Մոսկվայում շինարար միգրանտների մասնակցությամբ զանգվածային ծեծկռտուք է եղել։ РЕН ТВ-ի հաղորդմամբ՝ ծեծկռտուքին մասնակցել է մոտ 20 մարդ:

Կոնֆլիկտը տեղի է ունեցել գիշերը, «Նեկրասովկա» մետրոկայարանի մոտ՝ Մարեսևի փողոցի շինհրապարակում։

Մինչ տեղի ունեցածի հանգամանքները պարզելը, իրավապահ մարմինների աշխատակիցները բերման են ենթարկել Ուզբեկստանի 7 և Հայաստանի 2 քաղաքացու:

Ոստիկանությունը ստուգում է իրականացնում։ Ծեծկռտուքի հանգամանքներն ու պատճառները պարզվում են: Տուժածների մասին տվյալներ չկան: