ՀՀ ոստիկանությունից հաստատում են, որ երեկ գիշերը Գորիսում փոխհրաձգություն է եղել։
«Փաստինֆո»-ին ոստիկանությունից հայտնեցին, որ ահազանգ են ստացել այն մասին, որ երկու հոգի վնասվածքներով տեղափոխվել են «Գորիս» ԲԿ։
«Դեպքի հանգամանքները պարզում ենք։ Գործով զբաղվում է քննչական կոմիտեն»,-ասացին ոստիկանության լրատվական ծառայությունից։
Ավելի վաղ Hraparak.am-ը հայտնել էր, որ Գորիսում գիշերը փոխհրաձգություն է եղել նախկին մարզպետ Սուրիկ Խաչատրյանի որդու և գործող մարզպետ Մելիքսեթ Պողոսյանի որդու միջև։ Լրատվամիջոցի տեղեկություններով փոխհրաձգությունից տուժել են այլ անձիք, որոնք տեղափոխվել են հիվանդանոց։
